Дзе б ні быў я ў далёкіх краях,
Ты душу спавіваеш журбою,
Снішся мне, Беларусь дарагая мая.
Сэрца прагне сустрэчы з табою.

Дзе б ні быў я ў далёкіх краях,
Па якіх толькі сцежках не крочыў,
Не знайшоў прыгажэй, як старонка мая,
Як яе васільковыя вочы.

Дзе б ні быў я ў далёкіх краях,
Ты душу спавіваеш журбою,
Снішся мне, Беларусь дарагая мая.
Сэрца прагне сустрэчы з табою.

Дзе б ні быў я ў чужой старане,
Куды б лёс не закінуў, - я знаю,
Што з вандроў'я чакае Радзіма мяне -
Ёй любоўю навек прысягаю.