Тут, у Мінску , я жыву

м. Н. Скапец	сл. Т Атрошанка

Цесна ў небе жаўрукам,
Дзеляць сонца папалам,
Праганяя чыйсці сон,
Піша ноткі тэлефон.
Стук абцасаў, шоргат шын,
Бляск паркету і вітрын
Будзяць сонную траву,
Тут, у Мінску я жыву...

Прыпеў:	Я дома - вядома мне кожная вуліца,
	Пад песню знаёмую добра прачнуцца,
	Ляціць, замірае, зноў стукае сэрца,
	Я дома, а дом гэты Мінскам завецца.

Цесна ў небе жаўрукам,
Дзеляць сонца папалам,
Адбіваецца ад стрэх
Тут дзіцячы звонкі смех.
Дождж вясёлкавы імжыць
Дорыць песень капяжы,
Яны скоцяцца ў траву,
Тут, у Мінску я жыву.