Каралеўна-ноч

м. Н. Скапец	сл. Т. Атрошчанка

Ноч чараўніца,
У прыгаршчы зорнай вадзіцы
Набраўшы, ціхутка глядзіцца
Ды зор разлівае сляды...
Дзіўныя краскі,
Напеўныя ціхія казкі
Складае з нязбытнаю ласкай
У кош залаты.

Прыпеў:	Каралеўна-ноч
	Зор вераніцы
	Раскідае росамі
	У травіцы.
	Каралеўна-ноч
	Зор вераніцы
	Заплятае, хочучы
	Прысніцца...

Ноч-чараўніца
Зноў будзе спяваць і кружыцца,
Не могучы ў мроях зманіцца,
Зноў будзе за ветрам ляцець...
Дзесь на палетках
Вырошчвае зорныя кветкі,
Каб зноўку з усмешкаю светлай
Гарэзлівы ранак сустрэць.