Дарослыя і дзеці

м. Т. Моўчан	сл. І. Ждановіча

І дарослыя і дзеці
Вельмі любяць свет такі.
А жывуць у гэтым свеце
Добрыя чараўнікі.
Мудры пакаці-гарошак,
Ненажэрны страшны цмок
І мядзведзь такі харошы,
І вясёлы калабок.

Прыпеў:	Свет чароўны, цудаў поўны,
	Толькі сэрца расхіні,
	І адразу у цямрэчы
	Запаляюцца агні.

Калі сэрца ахінецца
У глыбокую нуду,
Ў залачонай табакерцы
Я памочніка знайду.
У чароўным свеце казак
І бацькі і дзетвара
Назбіраюць многа разам
Моцы, веры і дабра.

Прыпеў.

Хай кашчэі і ведзьмы варожаць,
Веру я, што ў прыгодах заўжды
Дабрынёю мы зло пераможам,
Ўсё ліхое сплыве нібы дым.