Завешся ты ласкава Белай Руссю

м. Л Захлеўнага  сл. В Лучанок

Завешся ты ласкава Белай Руссю, 
Ў касу ўплятаеш сіні васілёк, 
Ляціць у паднябессі белы бусел, 
Красуе ў полі шоўкавы лянок.

Прыпеў: 
	О Беларусь! Мая Радзіма! 
	Ты для мяне адна у свеце, 
	Як маці, што мяне радзіла, 
	Як сонца, што на небе свеціць.

Завешся ты ласкава Белай Руссю, 
Праўдзівая, сумленная заўжды. 
Табе, Айчына, нізка пакланюся 
За мужнасць у суровыя гады.

Прыпеў.

Завешся ты ласкава Белай Руссю, 
Прыгожая, цудоўная мая. 
Табою я заўсёды ганаруся, 
Люблю цябе, бацькоўская зямля.

Прыпеў.