Поспех

м. У. Сарокін	сл. В. Жуковіча

Кажуць, выгляд у мяне
Добры і вясёлы,
Гэта ведаюць мае
І сям'я і школа.
Хай нялёгкую сабе
Выбіраю сцежку,
А на твары у мяне
Цёплая усмешка.

Прыпеў:	Я у поспех веру
	Прада мною дзверы,
	Прада мною дзверы
	Адчыняюцца.
	Мне ў маёй старонцы
	Залатое сонца,
	Залатое сонца
	Усміхаецца. (2 разы)

Справы добрыя раблю.
Ці ж мне іх цурацца?!
Хныкаць, плакаць не люблю,
Я люблю смяяцца.
Хто б мяне не пахваліў
Нос не задзіраю.
Ды ніколі і нідзе
Рук не апускаю.