Несцерка

м. У. Сарокіна	сл. У. Мазго

З весялосцю ветрыка
Сумнаю парой
Завітае Несцерка
Казачны герой.
І нанова верыцца
Ў цёмнай цішыні,
Што з далёку вернуцца
Сонечныя дні.

Прыпеў:	Несцерка, Несцерка,
	Узнімі настрой!
	Несцерка, Несцерка,
	Патанцуй са мной!
	Смелым жартам, Несцерка
	Зноўку рассмяшы
	Каб было мне весела
	Лёгка на душы.

Завітае Несцерка
І развяжа мех.
І рассыпле Несцерка,
Як ласункі, смех.
Побач крочыць Несцерка
Летам і зімой,
Бо заўсёды Несцерка
Лепшы сябар мой.