Буслік

м. Т. Моўчан	сл. У. Мазго

Над зямлёю Беларусі,
Як вясновы першацвет,
Узляцеў у неба буслік,
Каб убачыць белы свет.
Толькі мамачка-бусліха
Паглядала сыну ўслед
І шаптала ціха-ціха
Самы светлы запавет.

Прыпеў:	Белы буслік, мілы буслік,
	Я малюся за цябе
	І у шчасці, і у скрусе,
	І у радаснай журбе.
	Сэрца грае, быццам гуслі,
	Калі чую твой напеў.
	Белы буслік, мілы буслік,
	Ганаруся за цябе.

Над зямлёю Беларусі,
Як вясновы першацвет,
Узляцеў у неба буслік,
Каб убачыць белы свет.
Ён лунаў у паднябессі
І ад шчасця заміраў,
Бо дарыў вяснянкі-песні
І палеткам і барам.